InicioO fenómeno da compra e venda de produtos falsificados é un problema global cuxo comercio internacional se estima en ata 460 mil millóns de euros, segundo o último informe publicado pola Oficina de Propiedade Intelectual da Unión Europea (EUIPO, polas súas siglas en inglés) e a Organización para a Cooperación e o Desenvolvemento Económico (OCDE) Consultar informe completo
O fenómeno das falsificacións é un fenómeno transversal e global cuxa loita e erradicación compete tanto a entidades públicas e privadas xa que:
- Destrúe postos de traballo: ao redor de 53.500 postos ao ano.
- Prexudica o comercio das cidades ao fomentar a competencia desleal.
- Prexudica a economía do país ao perder case 7 millóns de euros en vendas.
- Promove a economía somerxida que non paga impostos nin tributa o que provoca o empobrecemento de todos.
- As falsificacións non pasan os controis de calidade que garanten un consumo seguro.
- As falsificacións poden supoñer grandes riscos para a saúde e a seguridade.
- É unha actividade controlada polo crime organizado.
- É o segundo tráfico criminal que xera máis lucro, só por detrás do tráfico de armas.
- As mafias que se lucran con elas explotan vendedores irregulares e ambulantes.
- Poñen en perigo a innovación prexudicando o acceso do consumidor a novos produtos.
- Pérdense os dereitos como consumidores.
España ocupa un preocupante posto 10º dentro das economías mundiais onde os dereitos de Propiedade Industrial se infrinxen. Anualmente pérdense 6.766 millóns de euros en vendas ao ano debido ás falsificacións (o 10,6% das vendas anuais) e 53.467 postos de traballo nos 11 sectores analizados segundo o último estudo da EUIPO. Consultar o Informe e Infografía.
O sector máis afectado por este fenómeno é o sector das “pezas de vestir” onde se perden 3.808 millóns euros/ano, o 14.9% das vendas totais. Ségueo o sector dos medicamentos, a cosmética, os viños e bebidas espirituosas e smartphones.
Mentres que en produtos tales como bebidas, alimentos, cosméticos, fármacos ou compoñentes de automóbiles os consumidores aprecian que poden ser prexudiciais para a súa seguridade e a súa saúde, nos artigos de luxo o público en xeral non ve demasiados efectos negativos na súa falsificación, por consideralos menos necesarios (a marroquinería e téxtil son os sectores máis afectados por este problema). Non obstante, o que move o fenómeno das falsificacións en termos de perda de dereitos sociais, mafias e trata de persoas son aspectos que si impresionan á opinión pública. O impulso destas redes coa simple compra dun produto falsificado é un exercicio reflexivo que se pode fomentar, ao igual que a perda dos seus dereitos como consumidor se adquire produtos falsificados.
Antes, a maioría dos produtos falsos eran produtos de luxo como bolsos caros, pero hoxe falsifícanse produtos de todo tipo, dende xoguetes, baterías e perfumes ata medicamentos.
Algúns consellos de comprobacións ao comprar en tendas
- O prezo é sospeitosamente barato, desconfíe das gangas
- A calidade do produto é menor do esperado, p. ex. costuras ou cremalleiras defectuosas en roupa e coiro
- O produto cheira a pegamento, plástico ou químicos
- O envasado, etiquetaxe e imaxes son de pouca calidade
- O punto de venda non é o normal dun produto desa clase...
...recorde, se é demasiado bo para ser certo, probablemente non o sexa.
Para o consumidor: produtos de baixa calidade e sen garantías, perda do dereito a reclamar, risco para a seguridade e saúde...
Para as mafias: contribución á explotación laboral, branqueo de capitais, crime organizado...
Para as empresas: perda de moito diñeiro, tempo en tribunais, competencia desleal, dano á súa imaxe...
Para o país: destrución de postos de emprego, diminución de ingresos públicos, desincentivo á investigación, desenvolvemento e innovación, dano á imaxe turística...
Para o medio: produción sen normas de protección ambientais nin protocolos de traballo que promovan a redución, reciclaxe ou reutilización.
Segundo un estudo realizado en 2014 entre a Oficina Española de Patentes e Marcas, O.A. (OEPM) e a Asociación para a Defensa da Marca (ANDEMA), case 5 millóns de persoas anualmente compran produtos falsificados en España sobre todo en mercados, rastros e "top mantas", ademais de realizar cada vez máis habitualmente as compras destes produtos por Internet. 13,2 millóns de persoas declaran coñecer algunha persoa do seu ámbito que comprou falsificacións.
No estudio determinouse que as persoas que compran falsificacións teñen o seguinte perfil:
- Son consumidores novos (de 18 a 29 anos).
- Viven en núcleos de poboación de máis de 500.000 habitantes.
- Son cidadáns que deciden as compras do fogar habitualmente.
- Son consumidores con menor grao de fidelidade á marca.
- Trátase de individuos menos concienciados sobre os efectos das falsificacións.
- Son consumidores que buscan prestixio nos produtos de marca.
- Son consumidores que non buscan que o produto se axuste ás súas expectativas.
- Trátase de individuos para os que o consumo de marcas non está en consonancia co seu estilo de vida.
- No ámbito do consumidor compran falsificacións.
- O prezo é o factor clave na decisión de compras de falsificacións
© Oficina Española de Patentes y Marcas, 2019